Müzakirələrdə Nəqliyyat Nazirliyinin və Niderlandın “Royal Haskoning Group” şirkətinin nümayəndələri iştirak edib.
2010-cu il yanvarın 25-də Nəqliyyat  Nazirliyində “Yeni Bakı Beynəlxalq Dəniz Ticarət Limanı kompleksinin tikintisi” Layihəsi ilə bağlı iclas keçirilib. İclasda limanın layihələndirilməsini həyata keçirən Niderlandın “Royal Haskoning Group” şirkəti tərəfindən təqdim olunmuş Baş planın müzakirəsi aparılıb. İclas zamanı, liman ərazisinin geodezik şəbəkəsinin yaradılması və beynəlxalq şəbəkəyə birləşdirilməsi, liman ərazisinə gələn dəmir yolunun defektasiyası, eyni zamanda, liman ərazisi ilə əsas magistral yolu birləşdirən avtomobil yolunun inşası ilə bağlı qarşılıqlı fikir mübadiləsi aparılıb, aidiyyəti dövlət qurumlarının nümayəndələrinə Baş planla bağlı rəy və təkliflərin tez bir zamanda təqdim edilməsi tövsiyə olunub.