2010-cu il 24-25 fevral tarixlərində Özbəkistanın paytaxtı Daşkənd şəhərində Asiya İnkişaf Bankının Mərkəzi Asiya Regional İqtisadi Əməkdaşlıq (MARİƏ) Proqramı çərçivəsində nəqliyyat və ticarətin təkmilləşdirilməsi sahəsində potensialın gücləndirilməsi mexanizmi üzrə seminar keçiriləcək.
Seminar zamanı nəqliyyat və ticarətin təkmilləşdirilməsi sahəsində potensialın artırılması mexanizmi və bu sahə üzrə 2010-cu il üçün iş proqramı müzakirə ediləcəkdir. Eyni zamanda seminarda ticarət logistikası, gömrük və nəqliyyat sahələri üzrə təlim ehtiyacları müzakirə olunacaq.
Tədbirdə Nəqliyyat Nazirliyini Maliyyə və kredit şöbəsinin sektor müdiri Valeh Xubanov təmsil edəcək.