az| en
Baş səhifə
Saytın xəritəsi
Əlaqə
 
   Nazirlik
   Qanunvericilik
   Nəqliyyat
   Nəqliyyat siyasəti
   Nəqliyyat dəhlizləri
   Beynəlxalq əməkdaşlıq
   Lisenziyalaşdırma
   Məlumat bazası
   İctimaiyyətlə əlaqə
   Saytın xəritəsi
   e-poçt
 
Sərnişin və yük daşımalarının təhlükəsizliyi ilə bağlı tədbirlər davam edir
05.05.2010

Nəqliyyat Nazirliyinin Kollegiya İclasının 2010-cu il 16 fevral tarixli 1 nömrəli Protokolunun icrasına dair Nəqliyyat Nazirliyinin 2010-cu il 22 fevral tarixli 16/ü nömrəli əmrinin 5.3-cü və 7-ci bəndlərinin müddəalarından irəli gələn məsələlərin həlli istiqamətində zəruri tədbirlərin həyata keçirilməsinin təmin edilməsi məqsədi ilə, Nəqliyyat naziri cənab Ziya Məmmədovun əmri ilə Təhlükəsizlik və fövqəladə hallar şöbəsinin müdiri Kazım Şərifovun rəhbərliyi ilə komissiya yaradılıb.

Komissiyaya 1 (bir) ay müddətində avtomobil nəqliyyatı vasitələri ilə sərnişin və yük daşmalarında təhlükəsizliyin təmin olunmasına yönəlmiş müvafiq tədbirlərin mövcud qanunvericiliyin tələblərinə uyğun həyata keçirilməsi vəziyyətini araşdırmaq, avtomobil nəqliyyatı sahəsində, xüsusən şəhərdaxili və şəhərlərarası sərnişin daşımalarında təhlükəsizlik normalarının qorunması, daşıma qaydalarına əməl edilməsi və bu sahədə cavabdeh şəxslərin məsuliyyətinin artırılması məqsədi ilə təkliflər hazırlayıb Nəqliyyat Nazirinə təqdim etmək tapşırılıb.

Komissiya artıq Gəncə, Tovuz, Qazax, Lənkəran, Yevlax, Göyçay, Şəmkir, Şirvan, Mingəçevir şəhərlərində mövcud vəziyyəti araşdırıb, Şəki, Sumqayıt, Bakı, Şamaxı və Beyləqanda monitorinqlər davam edir. Qeyd edək ki, bu tədbirlər respublikanın bütün rayonlarını əhatə edəcəkdir.

Ümumiyyətlə, son illər ərzində avtomobil nəqliyyatı sahəsinin inkişafı, bu sahədə daşıyıcıların rəqabət qabiliyyətliliyinin artırılması, yük və sərnişindaşıma xidmətlərinin keyfiyyətinin yüksəldilməsi, ümumilikdə avtomobil nəqliyyatı sahəsində dövlət siyasətinin formalaşdırılması və həyata keçirilməsi istiqamətində bir sıra məqsədyönlü işlər  görülmüş, yük və sərnişin daşımalarının fəaliyyətini tənzimləyən normativ hüquqi baza daha da təkmilləşdirilmişdir. Azərbaycan Respublikasında əhalinin əsas sosial tələbatlarından birini təmin edən sərnişin nəqliyyatının dinamik inkişaf etdirilməsinin, bu sahədə avtomobil nəqliyyatı infrastrukturlarının ahəngdar fəaliyyətinin təmin olunmasının, müvafiq obyektlərin inşası və yenidən qurulması prioritet məsələlərdən hesab edilir. Bu məqsədlə, sərnişindaşıma xidmətinin keyfiyyətinin daha da yüksəldilməsi üçün ölkəyə iri və orta tutumlu avtobuslar gətirilərək istismara buraxılmış, sərnişin nəqliyyatında hərəkətin tənzimlənməsinin və idarə olunmasının təkmilləşdirilməsi, habelə sərnişin daşınmasında və avtomobil nəqliyyatı vasitələrinin hərəkətində yaranmış problemlərin aradan qaldırılması, avtobus və taksilər üçün yeni dayanacaq yerlərinin yaradılması, yararsız hala düşmüş avtobus dayanacaqlarının yeniləşdirilməsi və sərnişindaşıma marşrut şəbəkəsinin daha da optimallaşdırılması üçün nəqliyyat əməliyyatlarının intellektual idarə edilməsi sisteminin yaradılmasına başlanılmışdır. 

Mövcud normativ hüquqi aktlar, texniki qaydalar və təlimatlar əsasında  avtomobil nəqliyyatı ilə sərnişin və yük daşmalarının təhlükəsizliyinin təmin olunması, Azərbaycan Respublikası ərazisində beynəlxalq avtomobil daşımalarını tənzimləyən icazə sisteminin tətbiq edilməsi, müntəzəm sərnişin daşımaları üzrə marşrut sxemlərinə, həmin marşrutlarda istifadə olunan avtonəqliyyat vasitələrinin hərəkət cədvəllərinə dair tələblərin müəyyən edilməsi, dövlət sifarişi əsasında avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıları müsabiqə qaydasında cəlb edilməsi, daşıyıcıların sərəncamlarında olan avtonəqliyyat vasitələrinin reysqabağı texniki, sürücülərinin isə reysqabağı tibbi müayinələri, o cümlədən rüblük texniki yoxlanılması işinin təşkil olunması, sərnişin və yük daşımalarına xüsusi razılıqların (lisenziyaların) verilməsi və həmin xüsusi razılıqların (lisenziyaların) şərtlərinə, o cümlədən yuxarıda göstərilən digər hallar üzrə hüquqi şəxslər və fərdi sahibkarlar tərəfindən qanunvericiliyin tələblərinə əməl olunmasına nəzarət edilməsi istiqamətində lazımi tədbirlər görülməkdədir.

Avtomobil nəqliyyatı sahəsində fəaliyyət göstərən subyektlər tərəfindən beynəlxalq və ölkədaxili yük və sərnişin daşınması, nəqliyyat vasitələrinin təhlükəsiz hərəkətinin təmin edilməsi, avtonəqliyyat vasitələrinə təminatlı texniki xidmət göstərən texniki-təmir stansiyalarının yenidən qurulması, avtomobil nəqliyyatı sahəsində ətraf mühitin qorunması və müvafiq ekoloji norma və tələblərə əməl edilməsinə müəyyən olunmuş qaydada nəzarət edilməsi sahəsində də zəruri işlər yerinə yetirilir.      

Bununla belə, avtomobil nəqliyyatı sahəsində yerinə yetirilmiş məqsədyönlü işlərlə və əldə olunmuş nailiyyətlərlə yanaşı ciddi çatışmazlıqlar hələ də qalmaqdadır.  Belə ki, son dövrlər respublikanın ərazisində sərnişin və yük daşımaları zamanı baş vermiş yol-nəqliyyat hadisələrinin sayı daha da artmış, qeydə alınmış yol-nəqliyyat hadisələrində təqsirkarların çoxlarının məhz sərnişin və yük daşımalarını həyata keçirən sürücülərin olması faktlarının mövcudluğu, bu kimi halların yük avtomobillərinin və avtobus sürücüləri tərəfindən iş rejiminin və hərəkət cədvəlinin pozulması nəticəsində baş verməsi müəyyənləşdirilmişdir.         

Qeyd olunanlara əsasən, mövcud normativ hüquqi aktlar, texniki qaydalar və təlimatların tələblərinə uyğun olaraq, avtomobil nəqliyyatı ilə sərnişin və yük daşmalarının təhlükəsizliyinin təmin edilməsi, müntəzəm sərnişin daşımaları üzrə marşrut sxemlərinə, həmin marşrutlarda istifadə olunan avtonəqliyyat vasitələrinin hərəkət cədvəllərinə dair tələblərin müəyyən edilməsi, dövlət sifarişi əsasında avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıları müsabiqə qaydasında cəlb edilməsi, daşıyıcıların sərəncamlarında olan avtonəqliyyat vasitələrinin reysqabağı texniki, sürücülərinin isə reysqabağı tibbi müayinələri, o cümlədən rüblük texniki yoxlanılması işinin təşkil olunması, sərnişin və yük daşımalarına xüsusi razılıqların (lisenziyaların) verilməsi və həmin xüsusi razılıqların (lisenziyaların) şərtlərinə, o cümlədən yuxarıda göstərilən digər hallar üzrə hüquqi şəxslər və fərdi sahibkarlar tərəfindən qanunvericiliyin tələblərinə əməl olunmasına nəzarət edilməsi istiqamətində ciddi və təxirəsalınmaz tədbirlər həyata keçirilməsi zəruridir.

Avtobus marşrutları sxemləri optimallaşdırılmalı və təkmilləşdirilməli, dayanacaqların yerlərinin düzgün seçilməsi, müvafiq lisenziyası olmadan sərnişin və yük daşımalarında fəaliyyətə yol verilməsi, marşrutlarda avtobusların sayının tələblərə riayət olunmaqla müəyyənləşdirilməsi, avtobusların və yük avtomobillərinin texniki vəziyyətinə ciddi diqqət yetirilməlidir.

 
Nəqliyyat-Yol kompleksi
Avtomobil Nəqliyyatı
Dəmir Yolu Nəqliyyatı
Su Nəqliyyatı
Mülkü Hava Nəqliyyatı
Avtomobil Yolları
Nəqliyyatı İntellektual İdarəetmə Mərkəzi
Elektron xidmətlər
Etik Davranış Qaydaları
Virtual Qarabağ
© 2006 Nəqliyyat Nazirliyi
Texniki dəstək və inkişaf Informatika və Məlumat sektoru tərəfindən həyata keçirilir
MEQA şirkətinin istehsalı