21-22 iyul 2010-cu il tarixdə Türkiyə Cümhuriyyətinin İzmir şəhərində “Azərbaycan Respublikası Hökuməti ilə  Türkiyə Cümhuriyyətinin Hökuməti arasında Beynəlxalq avtomobil daşımaları haqqında Saziş”ə uyğun olaraq, Qarışıq Komissiyanın növbəti iclası keçirilib. İclas Beynəlxalq avtomobil daşımaları üzrə qarşılıqlı maraq kəsb edən bir sıra məsələlərin müzakirə edilməsi məqsədilə təşkil edilib. Komissiyanın işində Nəqliyyat Nazirliyinin Nəqliyyatda əlaqələndirmə və lisenziyalaşdırma şöbəsinin sektor müdiri Eldar Əlizadə də iştirak edib.

Xatırladaq ki, eyni mövzuda müzakirələr İran İslam Respublikası ilə də aparılmış, 15-16 iyul 2010-cu il tarixlərində Astara (İran) və Astara (Azərbaycan) şəhərlərində Birgə Komissiyanın növbəti iclası  keçirilmişdi.